.. أدور وجه يشبه لي !

تغيب الناس ..

مثل الناس ..!

و لا يبقى حزن غافل معاهم ..

ما تنبّه لي !
و ينده صوت .

و أحس انه يناديني ..

و كان .. " الموت "..!

و أثاري كان ينده لي !!

و أجيه .. أمشي !

و أجيه .. أمشي !

و أجيه .. أمشي ..

على مهلي !!
هنا و ارحل بلاي

و لا أعرف لـ وين !

هنا و أفتّش بـ صدري عن أحلامي ..
و يذبل في دروب الحالمين

/ التين

و تيبس ضحكتي في أوجه أيامي !
وحيد ..

و ما معي إلا ثلاث سنين

تنام بـ حضن ذاكرتي .. و أنسامي !
و أروح افتح درايش وحدي للبين

من آلامي و باخذني على آلامي !
يا بنت.... أحلامي ..

أحلامي بكتني لين

شعرت إن الدروب اتضيق بـ اقدامي
و راميني العطش عند العطش للحين

أنادي و ( الظما يطرد ورى الظامي )
قريتك نور في دفتر هوى المسكين

و لمحتك أول الضحكات فـ إلهاامي
أنا المطعون من ياسي بلا سكين

يبست و ما بقى مني سوى عظامي
يا طفلة كلنا في هـ العمر ..

ماشين

أشوفك بس أشوف الموت قدامي
قبل تدري الجروح و قبل لا تدرين

بـ أن دروب حلمي خانت اقدامي
أنا ما قلت نامي في " حضن هـ العين "

أنا قلت لـ عيوني ( فـ حضنها نامي ) !
و طفلك نام ..

تعب يلقاك في الدني

ا و قال ألقاك : فـ الأحلام !
تعب يزرعك في عيونه ..

علشان الأمل : قدام ..
تعب يلمحك في صوته ..!

و في موته ..
تعب يقراك : لـ الاوهام ..!

نساك أنتي ..

نسى نفسه ..

نسى الدنيا ..

و نسى لا ينام ..!

شعر : بركات الشمري